Shabelle: MUQDISHO
Golaha
dhaqanka iyo midnimada Beelaha Hawiye ayaa wax laga xumaado ku
tilmaamay dil xalay deegaanka Lafoole ee gobolka Sh/hoose loogu geystay
masuul ka tirsanaa golagaasi.
Gudoomiyaha
golaha dhaqanka iyo midnimada Beelaha Hawiye Max’ed Xasan Xaad oo
Shabelle u waramayay saakay ayaa waxaa uu sheegay in xalay rag hubaysan
ay dileen Cabdi Max’ed Jimcaale oo ka mid ahaa hormuudka golaha
dhaqanka iyo midnimada beelaha Hawiye xili uu ku sugnaa deegaanka
Lafoole ee gobolka Sh/hoose.
Waxaa
uu sheegay gudoomiyihu in marxuumkaasi ay dishay gacan ka gardaran
isagoo intaasi ku daray in arinkaani uu qeyb ka yahay falalkii
mudooyinkii ugu dambeeyay lagu dilayay dadka waxgaradka ah.
Max’ed
Xasan Xaad waxaa uu tacsi hawada u marayiyay dhamaan eheladii uu ka
geeriyooday Masuulkaasi ka tirsanaa golaha dhaqanka iyo midnimada
Beelaha Hawiye.
Ugu
danbeyntii gudoomiyaha golaha dhaqanka iyo midnimada Beelaha hawiye
waxaa uu sheegay in arinkaasi uu yahay mid aan loo baahneyn
islamarkaana dhibaateynaya shacbiga Soomaaliyeed maadaama sida uu
hadalka u dhigay la ugaarsanayo dadka muhiimka u ah bulshad
Soomaaliyeed. |