Sarkaal Save Children oo la sii daayay
Warbixinta soo deynta
Xoogaga Islaamiyiinta ee ka howlgala gobolka Hiiraan, ayaa soo badbaadiyay sarkaalkii u shaqeynayay hey'adda Save The Children Maxamed Macallin Cismaan.
Maxamed Macallin oo isla markaana ahaa guddoomiyaha guddiga waxbarashada gobolka Hiiraan, ayaa kooxo hubaysan ay shalay ka afduubeen deegaanka Buq-Aqable ee gobolkaas.
Sarkaalka ayaa xilliga la afduubay waxa uu ka wada deegaankaasi, mashruuc dhinaca waxbarashada dadka reer miyiga ah, oo ay waday hey'adda Save the Children.
9 dhalinyaro ah oo lagu eedaynayo in ay afduubka ka dambeeyaan, ayaa wararku sheegaya in gacanta lagu soo dhigay, kuwaas oo la sheegay in lagu qaadayo xukunka shareecada Islaamka.
Lama oga ujeeddada afduubka, oo sidoo kale dableydu ay ku kaxaysteen gaari ay lahayd hey'adda.
| 
