Nimco: Guurka askariga duruuf ayaa igu qasabtay
Nimco Cumar oo ah haweenayda wiilka u dhashay askariga AMISOM ayaa guurkeeda ku sheegtay mid ay aabaheed kubad-baadinaysay
Waxa qoray Abdulaziz Osman | Washington, DC Talaado, 27 October 2009
Nimco
Cumar Sheekh oo ah Haweenayda Soomaalida ah ee wiilka u dhashay mid ka
mid ah ciidamada Uganda ee ku sugan dalka Somalia ayaa wareysi ay
siisay idaacadda VOA uga warantay qaabkii ay iyada iyo askarigaasi isku
barteen.
Nimco Cumar waxay sheegtay in askarigaasi uu ahaa dhakhtarka
aabaheed oo xilligaasi ku jiray cusbitaal ay ciidamada AMISOM ku
lahaayeen Muqdisho. Nicmo waxay sheegtay in askarigaasi daaweynta
aabaheed uu ku xidhay shuruud ah inuu guursado, haddii ay ka diidana uu
aabaheed ka saari doono cusbitaalka.
Nicmo Cumar waxay sheegtay in markii ay qiimaysay xaaladda aabaheed oo
u baahnaa daaweyn ay askarigaasi ka ogolaatay inuu guursado, isagoo
sidoo kale u sheegay inuu ahaa nin Muslim ah,
Nimco Cumar waxay sheegtay in askarigaasi kadib ay ku meheriyeen laba wadaad oo Somali ah.
Nimco Cumar waxay intaas ku dartay inay si dhuumaalaysi ah ula kulmi
jirtay askarigaasi, halkaasna ay uur ku qaaday. Nicmo aabaheed ayaa
kadib geeeriyooday sida VOA u sheegtay, waxayna kadib sheegtay in la
ogaaday guurka iyada iyo askariga taasina ay ku qasabtay inay dalka ka
baxdo oo Kampala gaadho.
Nicmo Cumar oo haatan iyada iyo wiil ay dhashay kuwada sugan dalka
Uganda ayaa sheegtay inay ku faraxday kadib markii ay maxkamad ku taala
Uganda ay askarigaasi ku xukuntay xadhig dhan sanad iyo badh.
Nimco Cumar Sheekh waxay carabka ku dhufatay in xaallada nolosheedu
ay aad u liidato isla markaana aanay wax taageero ah ka helin dowlada
Uganda ama jaalliyada Somalida ee Uganda degan.
Wareysiga haweenaydaasi wiilka u dhashay askariga ka tirsanaa ciidamada Uganda midigta sare ee boggan ka dhagayso.
|